ABŞ müstəqil dövlətləri zəiflətmək istəyir
İQNA-nın (Beynəlxalq Quran Xəbər Agentliyi) verdiyi xəbərə görə, "ABŞ müstəqil dövlətləri zəiflətmək istəyir" - Suriyanın prezidenti Bəşşar Əsəd bu sözləri Şimali Koreyanın xarici işlər naziri ilə görüşündə deyib.
Suriyanın prezidenti Bəşşar Əsəd vurğulayıb: Suriya və Şimali Koreyanın üzləşdiyi müharibə növü və təzyiqlər müxtəlif olsa da, bu müharibə və təzyiqlərin hədəfi və cövhəri eynidir.
Bəşşar Əsəd sözünü açıqlayaraq deyib: ABŞ-ın bu savaş və hərtərəfli təzyiqlərdən hədəfi müstəqil, azad səsə sahib olan və qərbim imperialist planlarının önündə dayanan dövlətləri zəiflətməkdir.
Prezident vurğulayıb: Bu savaşların həfədi təkcə Şimali Koreya və Suriya deyil. Bu, dünyanın xəritəsini dəyişmək üçün işlənmiş plandır. Amerikanın müstəqil ölkələr ilə düşmənçiliyində sərhəd və coğrafiya yoxdur.
Suriyanın prezidenti Bəşşar Əsəd əlavə edib: Qərbin işğalçı planlarının məğlubiyyətə uğraması və Suriya və Şimali Koreya kimi dövlətlərin müqaviməti beynəlxalq səviyyədə vəziyyəti dəyişdi və balanslaşdırdı.
Qeyd edək ki, Şimali Koreyanın xarici işlər naziri dünən, həftənin ikinci günü, 4 Dekabr 2018-ci il, öz suriyalı həmkarı Vəlid Müəllim ilə görüşmək üçün Suriyaya gəlib.
