İQNA-nın (Beynəlxalq Quran Xəbər Agentliyi) verdiyi xəbərə görə, Əfqanıstanın Herat əyalətinin beş qədim minarələrindən birinin təmir-bərpa işləri başlayıb.
Gövhərşad Bəgim türbəsində yerləşən bu altı əsirlik minarələrdən biri bir neçə santimetr əyilib və təcili təmirə ehtiyacı var.
Herat müsəllasının minarələrinin təmir işləri Əfqanıstanın Milli Təhlükəsizlik Şurasının dəstəyi ilə başlayıb.
Heratın mədəniyyət idarəsinin rəisi Ariya Rufiyan deyib: Keçən 20 il ərzində bu türbə və minarələr baxımsız qalıb. Bu təmir işləri zamanı Herat müsəllasının bir sıra problemləri aradan qaldırılacaq. Gövhərşad Bəyim türbəsinin minarə, divar və döşməsi yenilənəcək.