Sa ikalawang palapag, ang isang imam ang nanguna ng pagdarasal sa Biyernes para sa humigit-kumulang 80 na mga Muslim, habang ang mga laud-ispiker ay inihatid ang tinig sa unang palapag ng gusali sa isang lugar na naayos para sa kababaihan na mga sumasamba.
"Ito ay isang magandang pagkakataon upang buksan ang isang Sentrong Islamiko sa Nishi Kasai upang maglingkod sa isang pamayanan ng Muslim pati na rin ang aming mga kapit-bahay at lokal na pamayanan at lipunan sa pangkalahatan," sinabi ng boluntaryong Imam na si Abdul Wahid sa Arab News Japan.
"Nag-aalok kami ng aming mga serbisyo, upang maglingkod ng Islam, upang magturo ng mga kahalagang Islamiko at magtuturo sa lipunang ito at pamayanan."
Ang Nishi Kasai ay halos 15 na mga minuto sa pamamagitan ng tren mula sa gitnang Tokyo.
Sinabi ni Abdul Wahid na bubuksan ang Sentrong Islamiko ang mga pintuan nito sa lahat ng nais matuto tungkol sa Islam at sa mga nangangailangan ng anumang tulong panlipunan.
Si Haroon Qureshi, Kalihim-Heneral ng Japan Islamic Trust, ay nagsabi sa Arab News Japan na ang pagtatatag ay pinamamahalaan ng Japan Islamic Trust, isang samahang panrelihiyon na nagpapatakbo ng siyam na mga moske sa Japan.
"Kami ay nagpapasalamat sa kooperasyon ng lokal na mga Muslim sa Japan at maraming mga nagbigay abuloy mula sa higit sa 70 na mga bansa," sabi niya.
Si Abdullah Baba, pangulo ng Sentrong Nishi Kasai, ay nagsabing itinatag nila ang kanilang pamayanan pitong taon na ang nakalilipas nang mayroong 12-15 na mga pamilya, na tumaas sa 80 na mga pamilya. Ang bagong sentro ay magbibigay ng mahalagang tulong para sa kanila.