Srebrenitsada müsəlmanların qətliamından 26 il ötür Foto
Ötən gün, Bazar günü, 11 İyul 2021-ci il, Bosniya və Herseqovinanın şərqində yerləşən Srebrenitsada 26 il öncə 20-ci əsrin müsəlmanlara qarşı törədilmiş cinayətinin ildönümü idi.
1995-ci il, İyul ayının 11-də törədilən bu cinayətdə serblər BMT-nin guya dünyada sülhü qoruyan sülhməramlı silahlı birləşmələrinin (NATO) göz görəsində və beynəlxalq cəmiyyətlərin kor, kar və lal olması nəticəsində 8 mindən (8000) çox bosniyalı müsəlmanı, qadın, qoca və uşaq demədən 11 gün ərzində qətliam etdilər və 2 milyondan çox müsəlman öz evindən didərgin düşdü.
BMT-nin guya dünyada sülhü qoruyan sülhməramlı silahlı birləşmələrini (NATO) Bosniyada təmsil edən Hollandiya silahlıları onlara sığınan on minlərlə müsəlmanı vəhş serblərə təhvil verdilər.
Bu cinayətin üzərindən 26 il keçməsinə baxmayaraq BMT kimi beynəlxalq cəmiyyətlər hələ də cinayətkarları cəzalandırmaq fikrində deyil. Halbuki hələ də bu cinayətin qurbanlarının cəsədləri tam olaraq tapılmayıb. Bosniya dövlətinin araşdırmaları göstərir ki, hələ də itkinlər var və indiyədək 7000 şəhidin cəsədi tapılıb və digrə kütləvi məzarlıqları tapmaq üçün axtarışlar davam edir.
Bosniya müsəlmanları hər il İyul ayının 11-də vəhşicəsinə törədilmiş bu cinayəti xatırlayır və şəhidlərinə mərasim tuturlar. / iqna
